Yük avtomobillərinin iştirakı ilə qəza baş verib.
Unikal.аz xəbər verir ki, hadisə Bakı-Qazax magistralının Ağstafa rayonunun Qırılı kəndindən keçən hissəsində baş verib. Belə ki, Qazax istiqamətdə hərəkətdə olan "Mercedes" markalı yük maşını "İsuzu" markalı yük maşınına çırpılıb.
Qəza nəticəsində "İsuzu" yoldan çıxaraq aşıb və onun içərisində olan çörəklər yerə dağılıb. "İsuzu"nun sürücüsü xəsarət alıb.
Hadisə yerinə DYP əməkdaşları cəlb olunub, faktla bağlı araşdırma aparılır.
