Gəncədə xəsarətlə nəticələnən yol-nəqliyyat hadisəsi baş verib. Bu haqda 15 iyun tarixində Bizim.Media.az-a istinadən xəbər veririk.
Hadisə şəhərin Cavad Xan küçəsi ilə Qara Qarayev küçəsinin kəsişməsində qeydə alınıb. Hərəkətdə olan “VAZ 21011” markalı avtomobillə “VAZ 2107” markalı maşın toqquşub. Zərbənin təsirindən birinci nəqliyyat vasitəsi yol kənarındakı ağaca çarpılıb.
Şahidlərin sözlərinə görə, hadisəyə səbəb avtomobillərdən birinin yol hərəkət qaydasını pozması olub. Qəza nəticəsində müxtəlif dərəcəli bədən xəsarətləri alan “VAZ 21011”in sürücüsü xəstəxanaya aparılıb.
Hadisə yerinə polis əməkdaşları cəlb olunublar.
Faktla bağlı araşdırma aparılır.
