Gəncədə növbəti avtoqəza baş verib. Bu haqda Gencexeber.com-a 11 may tarixində məlumat daxil olub.
Hadisə Yeni Gəncə qəsəbəsinin Mehmandarov küçəsində qeydə alınıb. Həmin ərazidə “Chevrolet Cruze” ilə “LADA 21011” markalı nəqliyyat vasitələri toqquşub.
Şahidlərin sözlərinə görə, birinci avtomobil ötmə əməliyyatı edərkən “LADA”ya çarpılıb. Qəza zamanı ikinci nəqliyyat vasitəsinin sürücüsü xasarət alıb.
Qəza yerinə polis, sığorta əməkdaşları və təcili tibbi yardım briqadası cəlb olunublar. Xəsarət alan şəxs xəstəxanaya aparılıb.
Faktla bağlı araşdırma aparılır.
