Gəncədən olan din xadimləri – axund, imam və dini icmaların üzvləri tədbirdə iştirak ediblər. Bu haqda 18 may tarixində İcbari Tibbi Sığorta üzrə Dövlət Agentliyinə istinadən xəbər veririk.
Dini icma üzvləri və din xadimləri üçün icbari tibbi sığorta mövzusunda maarifləndirmə tədbiri keçirilib. Burada Agentliyin Tibbi planlama departamentinin rəhbəri Hikmət İbrahimli, Marketinq və ictimaiyyətlə əlaqələr departamentinin rəhbəri Aynurə Əhmədova, Marketinq və tədbirlər şöbəsinin aparıcı məsləhətçisi Emil Lətifov, Dini Qurumlarla İş üzrə Dövlət Komitəsi nümayəndələri və tibb müəssisələrinin rəhbərliyi iştirak ediblər.
Görüş zamanı təlim iştirakçılarının icbari tibbi sığortanın tətbiqi ilə bağlı müraciətləri dinlənilib və onların həlli istiqamətində müvafiq tədbirlər görülüb. Təlimin məqsədi din xadimləri vasitəsi ilə daha geniş əhaliyə icbari tibbi sığorta ilə bağlı məlumatları çatdırmaqdır.
