Regional Mədəniyyət İdarəsinin Gəncə şəhər 24 saylı Kitabxana filialı Xalq şairi Hüseyn Arifin anadan olmasının 100 illiyi münasibətilə tədbir keçirib. Bu haqda 11 iyun tarixində Mərkəzləşdirilmiş Kitabxana Sisteminə istinadən xəbər veririk.
"Hüseyn Arif xatirələrdə" başlıqlı ədəbiyyat saatı baş tutub. Tədbirdə Hüseyn Arifin həyat və yaradıcılığı haqqında tədbir iştirakçılarına məlumat verilib. Qeyd edilib ki, xalq şairinin yazdığı gəraylılar, qoşmalar, müxtəlif mövzulu şeirlər, satiralar, poemalar, şeirlərinə yazılmış dillər əzbəri olan mahnılar bu gün də xalq tərəfindən sevilir və seviləcəkdir.
Hüseyn Arif şairliklə yanaşı, Azərbaycan Aşıqlar Birliyinin rəhbəri olub, Dədə Qorqud yadigarı olan bu sənətin oyanışı və inkişafı onun adı ilə bağlıdır. Burada şagirdlər Hüseyn Arifin şeirlərini söyləyiblər. Tədbirdə 19 saylı tam orta məktəbin müəllimləri və şagirdləri iştirak ediblər.
