Gəncədə Əhməd Cavadın yubileyi qeyd olunub. Bu haqda 24 dekabr tarixində Mir Cəlal Paşayevin ev-muzeyinə istinadən məlumat veririk.
Mir Cəlal Paşayevin ev-muzeyində Əhməd Cavadın 130 illiyinə həsr olunmuş tədbir keçirilib. Ədəbi bədii gecədə Gəncə Regional Mədəniyyət İdarəsinin rəisi Vasif Cənnətov, bir çox elm və mədəniyyət xadimləri, şair və yazıçılar, regional mədəniyyət müəssisələrinin əməkdaşları iştirak ediblər.
Gəncə Yazıçılar Birliyinin sədri, şair Xəzangül Hüseynova, alim, AYB-nin üzvü Bayram Apoyev, AMEA Gəncə bölməsinin elmi işçisi, Filologiya üzrə fəlsəfə doktoru Əlimuxtar Muxtarov, Əməkdar jurnalist, böyük yazıçı Qərib Mehdi, Eltun Türkel çıxış edərək şairin həyat və yaradıcılıq yolundan danışıblar. Ədəbi-bədii gecədə şairin şeirləri və şeirlərinə bəstələnmiş mahnılar Gəncə şəhəri 2, 4 və 5 nömrəli musiqi məktəblərinin müəllim və şagirdləri tərəfindən ifa olunub.
