Gəncədə abadlıq işləri davam edir. Bu haqda 29 sentyabr tarixində MKTİB-yə istinadən xəbər veririk.
Təmizlik aksiyası Ələkbər Seyfi küçəsində yerləşən Şəhidlər bulağının ətrafında keçirilib. Abidə-bulağın ətrafı səliqəli şəklə salınıb, daşlar silinərək təmizlənib, qurumuş güllər çıxarılıb və yerinə yeniləri əkilib, ərazi alaq otlarından və məişət tullantılarından təmizlənib, yaşıllıqlara aqrotexniki qulluq göstərilib.
Səliqəyə salınan ehsan bulağı şəhidlərimiz Turxan, Vusal Məmmədov və Oruc Vəliyevin əziz xatirələrinə açılıb.
Qeyd edək ki, iməcilik Mənzil Kommunal Təsərrüfatı İstehsalat Birliyinin 3 və 4 saylı Ərazi Xidmət Sahələrinin əməkdaşları tərəfindən keçirilib.
[modula id="46971"]
