Bu gün şəhid Zakir Əhmədovun doğum günüdür.
Zakir Kamil oğlu Əhmədov 22 dekabr 1959-cu ildə Goranboy rayonunda anadan olub. Həmin tarixdə ailəsi Gəncə şəhərinə köçüb. 37 saylı orta məktəbi əla qiymətlərlə bitirdikdən sonra 1978-ci ildə Rusiyanın Çita vilayətində həqiqi hərbi xidmətə yollanıb.
Hərbi xidmətdən qayıtdıqdan sonra əvvəlcə Gəncə şəhər Əlvan-Metallar zavodunda 6-cı dərəcəli frezer vəzifəsində, sonra isə Mənzil Kommunal İstismar sahəsində usta kimi evlərin təmiri ilə məşğul olub.
20 aprel 1994-cü ildə səfərbərliyə alınıb və 703 saylı hərbi hissənin tərkibində Ağdərə rayonu uğrunda gedən döyüşlərdə vuruşub. Əhmədov Zakir Kamil oğlu 8 noyabr 1994-cü ildə şəhidlik zirvəsinə ucalıb və 12 noyabr 1994-cü ildə meyiti Gəncə şəhərinə gətirilərək Şəhidlər xiyabanında dəfn olunub.
