Bu gün şəhid Vüqar Rzayevin doğum günüdür.
Vüqar Məmməd oğlu Rzayev 7 yanvar 1975-ci ildə Gəncə şəhərində anadan olub. O, 9 saylı orta məktəbdə orta təhsil alıb. Daha sonra sürücülük peşəsinə yiyələnib.
Vüqar 29 aprel 1993-cü ildə həqiqi hərbi xidmətə çağırılıb. O, Ağdam-Beyləqan bölgəsində vuruşub.
Vüqar Məmməd oğlu Rzayev 16 fevral 1994-cü ildə Sarıcalı kəndi yanındakı Göytəpə yüksəkliyinə mühüm tapşırıq dalınca gedib. Qızğın atışma zamanı düşmən snayperi onu başından yaralayıb və Vüqar şəhidlik zirvəsinə ucalıb. Onun nəşi Gəncə Şəhidlər xiyabanında dəfn olunub.
