Gəncədə şəhid ailəsi ilə görüş təşkil olunub. Bu haqda 25 sentyabr tarixində Heydər Əliyev Mərkəzinə istinadən xəbər veririk.
16 nömrəli kitabxanada “Şəhidlər doğuldu ki, yaşasın ana Vətən” mövzusunda tədbir keçirilib. Burada şəhid leytenant Erkin Ədalət oğlu Hüseynovun ailəsi ilə görüş baş tutub. Tədbirin əvvəlində şəhidlərin xatirəsi bir dəqiqəlik sükutla yad olunub.
Görüşdə şəhidin ailə üzvləri, yaxın qohumları, təhsil aldığı 17 nömrəli məktəbin müəllimləri və şagirdləri, Vətən müharibəsinin şəhidi Nurhan Abbasovun anası, Veteranlar İctimai Birliyi şöbəsinin sədri, Yazıçılar Birliyinin üzvləri, Vətən müharibəsinin qazisi, 3 nömrəli Peşə Liseyinin müəllim və tələbə kollektivi iştirak ediblər.
Tədbirdə şəhidin anası Laləzər Hüseynova, nənəsi, bibiləri, müəllimləri Erkin haqqında xatirələrini danışıblar.
Sonda 17 nömrəli tam orta məktəbin şagirdləri çıxış ediblər. Həmçinin mərkəzin əməkdaşının hazırladığı “Gəncənin şəhid leytenantı Erkin Hüseynov” adlı videoçarx nümayiş olunub.
[modula id="46623"]
