Bu gün şəhid Şaiq Məmmədovun doğum günüdür.
Məmmədov Şaiq Şükür oğlu 26 dekabr 1999-cu ildə Gəncə şəhərində anadan olub. 2013-cü ildə 20 nömrəli tam orta məktəbin 9-cu sinfini bitirib. 2012-2015-ci illərdə təhsilini 3 nömrəli Peşə liseyində (indiki Ticarət və Xidmət üzrə Gəncə Dövlət Peşə Təhsil Mərkəzi) davam etdirib.
2018-ci ildə həqiqi hərbi xidmətə yollanıb. 27 sentyabr 2020-ci il tarixində səfərbərliyə cəlb olunub.
Məmmədov Şaiq Şükür oğlu 9 noyabr 2020-ci ildə Xankəndi şəhəri istiqamətində gedən döyüşlərdə şəhidlik zirvəsinə ucalıb. 13 noyabrda isə Gəncə şəhərinin Şəhidlər xiyabanında dəfn olunub.
