Gəncədə şəhid valideynləri ilə görüş baş tutub. Bu haqda 24 dekabr tarixində 2 nömrəli tam orta məktəbə istinadən məlumat veririk.
2 nömrəli tam orta məktəbin kollektivi və şagirdləri şəhid valideynləri ilə görüşüb. Şəhidlərin xatirəsini yaşatmaq üçün simvolik olaraq sinif otaqlarına adları verilb.
Şəhid valideynləri sinif otaqlarını ziyarət edərək şagirdlərin şəhidlər haqqında müxtəlif kompozisyaları ilə tanış olublar. Daha sonra qonaqlar çay süfrəsi ətrafında kollektivlə öz xatirələrini bölüşüblər.
Şəhid valideynləri ilə görüş şagirdlərdə milli-mənəvi dəyərlərin qorunub saxlanması, vətən sevgisi, xalqına və milli birliyimizə olan məhəbbətin daha da möhkəmlənməsinə, milli ruhda tərbiyə olunmasına müsbət təsir bağışlayıb.
