Gəncədə ulu öndərin xatirəsi anılıb. Bu haqda 12 dekabr tarixində İcra Hakimiyyətinə istinadən məlumat veririk.
Bu gün Heydər Əliyevin vəfatından 19 il ötür. Bununla əlaqədar olaraq, icra başçısı Niyazi Bayramov, millət vəkili Müşfiq Cəfərov, hüquq-mühafizə orqanlarının rəhbərləri və İcra Hakimiyyəti başçısı Aparatının əməkdaşları ulu öndər Heydər Əliyevin şəhər mərkəzində ucaldılan abidəsini ziyarət ediblər. Rəsmilər ümummilli liderin abidəsi önünə çiçəklər düzüblər.
Abidə gün ərzində şəhərdə fəaliyyət göstərən idarə, müəssisə və təşkilat rəhbərləri, həmçinin şəhər sakinləri tərəfindən ziyarət olunub.
Qeyd edək ki, burada quraşdırılan böyük monitorda ulu öndərin həyatından bəhs edən film və videoçarxlar nümayiş etdirilir.
