Gəncədə ekskursiya təşkil olunub. Bu haqda 27 sentyabr tarixində Heydər Əliyev Mərkəzinə istinadən məlumat veririk.
Fövqəladə Hallar Nazirliyinin Gəncə Regional Mərkəzinin əməkdaşları Heydər Əliyev Mərkəzini ziyarət ediblər. Ekskursiya "Heydər Əliyev ili" çərçivəsində baş tutub. Mərkəzin əməkdaşı qeyd edib ki, birinci mərtəbədə fəaliyyət göstərən Azərbaycan xalqının ümummilli liderinin Xatirə Muzeyi ulu öndərin keçdiyi zəngin həyat yolu və çoxşaxəli fəaliyyətini dolğun əks etdirir. Muzeydə Heydər Əliyevin uşaqlıq və gənclik illəri ilə yanaşı, fəaliyyətinin bütün dövrləri barədə ətraflı məlumat almaq mümkündür. Burada ümummilli liderin Nizami yurduna müxtəlif illərdə tarixi səfərlərini əks etdirən kitablar və qəzetlər də nümayiş olunur.
Ekskursiyadan sonra qonaqlara Heydər Əliyevin həyat və fəaliyyətini əks etdirən videoçarx nümayiş edilib.
