İcra Hakimiyyətinin, YAP Gəncə Şəhər Təşkilatının və Gəncə Dövlət Universitetinin birgə təşkilatçılığı ilə Heydər Əliyevin anadan olmasının 101-ci ildönümünə həsr olunmuş tədbir baş tutub. Bu haqda 10 may tarixində İcra Hakimiyyətinə istinadən xəbər veririk.
Tədbir “Heydər Əliyev və azərbaycançılıq məfkurəsi” mövzusunda olub. Tədbir iştirakçıları abidənin önünə gül dəstələri düzüblər. Daha sonra ulu öndərin həyat və fəaliyyətindən bəhs edən sənədli film izlənilib. Sonda Səhiyyə Nazirliyi Gəncə Tibb Kollecinin tələbələrinin ifasında “Sən elə bir zirvəsən!” mahnısı ifa olunub.
Tədbirdən sonra Gəncə Ekoloji Park Kompleksinin ərazisində ildönümünə həsr olunmuş ağacəkmə aksiyası keçirilib. Gəncə şəhər Nizami və Kəpəz Bələdiyyələrinin təşkilatçılığı ilə keçirilən ağacəkmə aksiyası zamanı 101 ədəd Xan çinar əkilib.
