Gəncədə “Beynəlxalq Bitki Sağlamlığı Günü: Dayanıqlı Kənd Təsərrüfatında Bitki Amili” mövzusunda görüş keçirilib. Bu haqda 14 may tarixində İcra Hakimiyyətinə istinadən xəbər veririk.
Ümummilli lider Heydər Əliyevin anadan olmasının 101-ci ildönümünə həsr olunan Respublika elmi-praktik konfransı baş tutub. Keçirilən konfransda tədbir iştirakçıları ulu öndər Heydər Əliyevin Mərkəzin qarşısında yerləşən abidəsini ziyarət edib, önünə gül dəstələri düzüblər. Daha sonra Mərkəzin foyesində ADAU-nun tələbələrinin əl işlərindən ibarət sərgiyə baxış keçirilib.
Tədbir Kənd Təsərrüfatı Nazirliyinin Bitkiçiliyin təşkili və monitorinqi şöbəsinin, Qida Təhlükəsizliyi Agentliyinin, Aqrar Xidmətlər Agentliyinin, EGE Universitetinin Kənd təsərrüfatı fakültəsinin, Torpaqşünaslıq və Aqrokimya İnstitutunun, Lənkəran Dövlət Universitetinin, “Azərpambıq ASK” MMC-nin tərəfdaşlığı və Azərbaycan Dövlət Aqrar Universitetinin təşkilatçılığı ilə baş tutub.
