Regional Gənclər və İdman İdarəsi, Gənclər Evi, Heydər Əliyev Mərkəzi və 2 saylı “ASAN Xidmət” Mərkəzinin birgə təşkilatçılığı ilə tədbir olub. Bu haqda 9 may tarixində Gənclər Evinə istinadən xəbər veririk.
Heydər Əliyevin anadan olmasının 101-ci ildönümünə həsr olunmuş "Heydər Əliyev İrsi" adlı forum təşkil olunub. Tədbir iki panel hissədən, "Spikerlərin çıxışı" hissəsindən və Gənclərlə iş üzrə təlim hissəsindən ibarət olub.
Forumda ümumilikdə 200-dən artıq gənc iştirak etmişdir. Tədbirin məqsədi gənclər arasında Heydər Əliyevin Azərbaycançılıq məfkurəsinin təbliği, gənclərin hərtərəfli inkişafı üçün şəraitin formalaşdırılması ilə bağlı maarifləndirmə işlərinin aparılmasını təmin etmək olub.
