Gəncə Dövlət Tarix-Mədəniyyət Qoruğunun təşkilatçılığı ilə Zoom platformasında beynəlxalq konfrans keçirilib. Bu haqda 11 may tarixində Gəncə Dövlət Tarix-Mədəniyyət Qoruğuna istinadən xəbər veririk.
Konfrans Heydər Əliyevin anadan olmasının 101-ci ildönümünə həsr edilmiş "Ümummilli lider Heydər Əliyev müasir müstəqil Azərbaycan dövlətinin memarı və qurucusudur" movzusunda olub. Burada Heydər Əliyev ilə bağlı hazırlanmış slaydlar iştirakçılara təqdim edilib.
Qoruğun böyük elmi işçisi Aynur Həsənovanın moderatorluğu ilə keçirilən konfransda Türkiyə Cumhuriyyətindən - Erzurumdan ədəbiyyat bölüm başkanı araşdırmacı yazar Murat Ertaş, AMEA Gəncə Bölməsinin Nizami Gəncəvi Mərkəzinin direktoru filologiya üzrə fəlsəfə doktoru Əlimuxtar Muxtarov, Avey Dövlət Tarix-Mədəniyyət Qoruğunun Yuxarı Əskipara filialının müdiri Növrəstə Binnətova və Azərbaycan Dövlət Aqrar Universitetinin İctimai fənlər kafedrasının baş müəllimi Çinarə Səfərova iştirak ediblər.
