Gəncədə polislər tərəfindən monitorinqlər keçirilib. Bu haqda 20 may tarixində Kəpəz televiziyasına istinadən məlumat veririk.
Dövlət Yol Polisi Şöbəsi və 10 saylı Gəncə Ərazi Ekologiya və Təbii Sərvətlər Şöbəsinin əməkdaşları şəhər ərazisində reyd aparıblar. Xüsusi avadanlıq vasitəsilə avtomobillərdən ixrac olunan qazların tərkibi yoxlanılıb.
Nəticədə texniki nasazlığı olan, atmosferi normadan artıq çirkləndirən avtomobillərin sürücüləri inzibati qaydada məsuliyyətə cəlb olunublar. Yol polisi əməkdaşları sürücülərlə profilaktiki söhbətlər aparıblar.
Bildirilir ki, yoxlamalar iyunun 15-dək davam edəcək.
