Gəncədə fəvvarələrin təmizliyi həyata keçirilib. Bu haqda 4 avqust tarixində İcra Hakimiyyətinə istinadən xəbər veririk.
Mənzil Kommunal Təsərrüfatı İstehsalat Birliyinin aidiyyəti şöbəsi tərəfindən şəhərin müxtəlif ərazilərində yerləşən fəvvarələrə qulluq göstərilib. Qurumun əməkdaşları Dövlət Filarmoniyasının qarşısındakı, Şah Abbas məscidinin həyətində və Cavad xan küçəsindəki fəvvarələri təmizləyib, qurğulara texniki və sanitar qulluq göstərib, motorxanaları sazlayıblar.
