Gəncədə abadlıq işləri davam edir. Bu haqda 28 fevral tarixində Mənzil Kommunal Təsərrüfatı İstehsalat Birliyinə istinadən məlumat veririk.
Şəhərin müxtəlif ərazilərində yerləşdirilən qədim şəhərin istiqamətverici löhvələri əsaslı şəkildə təmir edilir. MKTİB-nin Təmir-Tikinti və Qəza xidməti şöbəsinin əməkdaşları tərəfindən xarici təsirlərdən boyaları silinmiş, yazıları solmuş və təmirə ehtiyacı olan lövhələr yenilənərək aidiyyəti üzrə yerləşdirilib.
Qeyd edək ki, istiqamətverici lövhələr respublikada ilk dəfə olaraq, 2013-cü ildə Gəncədə quraşdırılıb. Lövhələrin quraşdırılmasında məqsəd şəhərimizə gələn xarici qonaqlara şəhərin istiqamətlərini göstərməklə yanaşı, həm də tanıtmaqdır.
