Gəncədə əsgərlər üçün ekskursiya təşkil olunub. Bu haqda 27 iyul tarixində “Vətən Uğrunda” təşkilatına istinadən məlumat veririk.
Tədbir Gəncə Qarnizonu İdeoloji və Mədəniyyət Mərkəzi tərəfindən həyata keçirilib. Əsgərlər “Gəncə Qala Qapıları - Arxeologiya və Etnoqrafiya Muzeyi” Abidə Kompleksini, Nizami Gəncəvi muzeyini, Nizami Gəncəvi Məqbərə Kompleksini və digər tarixi yerləri ziyarət ediblər. Onlar burada xalqımızın tarixini və mədəniyyətini əks etdirən eksponatlar, qədim dövrdə istifadə olunan məişət əşyaları haqda məlumat əldə ediblər.
Qeyd olunub ki, keçirilən tədbirlər hərbi qulluqçuların mənəvi-psixoloji durumuna müsbət təsir göstərir, şəxsi heyət tərəfindən ruh yüksəkliyi və rəğbətlə qarşılanır.
