Göygöl rayonunun Üçtəpə kəndinin mərkəzi yolu asfaltlanmayıb.
Gencexeber.az-a daxil olan çoxsaylı şikayətlərə əsasən, bu yoldan hər gün onlarla insan istifadə edir. Sakinlər, o cümlədən işə gedənlər, məktəblilər və yaşlılar palçıqlı sahələri keçmək üçün ayaqlarına sellofan geyinməyə məcbur qalırlar.
Kənd əhalisi bildirir ki, bircə bu ümumi yol təmir olunsa, həm piyadaların, həm də nəqliyyatın hərəkəti xeyli rahatlaşar. Mövcud vəziyyətin isə gediş-gəlişi xeyli çətinləşdirdiyi vurğulanır.
