Goranboy rayonunda yük maşını ilə minik maşını toqquşub.
Gencexeber.az məlumat verir ki, hadisə rayonun Meşəli kəndi ərazisində baş verib. Borsunlu kənd sakini 33 yaşli Aqşin Rüstəmovun idarə etdiyi "Shacman" markalı ağır tonnajlı yük avtomobili Xocalı rayon sakini, müvəqqəti olaraq Aşağı Ağcakənd qəsəbəsində yaşayan 23 yaşlı Tacir Rəcəbovun idarə etdiyi "VAZ-015" markalı maşınla toqquşub.
Qəza zamanı minik maşınının sürücüsü xəsarət alıb. Yaralı Goranboy rayon Mərkəzi Xəstəxanasına çatdırılıb. Vəziyyəti qənaətbəxşdir.
Faktla bağlı araşdırma aparılır.
