Gəncədə 1 İyun - Uşaqların Beynəlxalq Müdafiəsi Günü münasibətilə tədbir keçirilib. Bu haqda 1 iyun tarixində Dövlət Gömrük Komitəsinə istinadən xəbər veririk.
Gəncə Gömrük İdarəsində 1 İyun - Uşaqların Beynəlxalq Müdafiəsi Günü münasibətilə tədbir baş tutub. Qurumun əməkdaşları şəhərdə yerləşən uşaq evini ziyarət ediblər. Onlara uşaqların təlim-tərbiyə prosesi, asudə vaxtlarının təşkili barədə məlumat verilib. Bildirilib ki, valideyn himayəsindən məhrum olan uşaqlar dövlətimizin xüsusi diqqət və qayğısı ilə əhatə olunublar. Onların fiziki və mənəvi cəhətdən sağlam, savadlı və vətənpərvər ruhda böyüməsi üçün burada lazımi şərait yaradılıb.
Tədbir çərçivəsində gömrük əməkdaşları uşaqlara müxtəlif hədiyyələr təqdim ediblər. Sonda uşaqların ifasında musiqi nömrələri, səhnəciklər nümayiş etdirilib.
