Gəncəyə yeni nəsil ictimai nəqliyyat vasitələri gətirilir.
Gencexeber.az-ın əldə etdiyi məlumata görə, şəhərin avtobus parkı Çin istehsalı olan “Foton” markalı nəqliyyat vasitələri ilə yenilənir. Ümumilikdə 30 ədəd müasir avtobus Gəncəyə gətirilmək üçün artıq yola çıxıb.
Avtobuslar qoşqulu daşıyıcılarla quru yol vasitəsilə ölkəmizə idxal olunur. Məlumata görə, sürücülərdən bir qismi artıq Çin - Qazaxıstan sərhədini keçib və uzun yolu davam etdirirlər.
Qeyd edək ki, bu nəqliyyat vasitələri Çinin ən böyük dövlət avtomobil istehsalçılarından olan “Beiqi Foton Motor” şirkətinə məxsusdur. Yeni avtobusların Gəncədə sərnişindaşıma keyfiyyətini artıracağı gözlənilir.
