Gəncədə yol-nəqliyyat hadisəsi baş verib.
Gencexeber.az-a daxil olan məlumata əsasən, şəhərin Heydər Əliyev prospektində dünən gecə saatlarında yol-nəqliyyat hadisəsi baş verib. “Mercedes” markalı avtomobil ilə “VAZ-2107” markalı maşın toqquşub. Zərbənin təsirindən sonuncu nəqliyyat vasitəsi yolun kənarında park edilmiş digər minik maşınına çırpılıb.
İlkin məlumata görə, hadisə zamanı zərçəkən olmayıb. Qəzanın əsas iştirakçıları olan maşınlara ciddi ziyan dəyib.
Faktla bağlı araşdırma aparılır.
