Gəncə ərazisində abadlıq, quruculuq və təmizlik işləri davam etdirilir.
Gencexeber.az-a Mənzil Kommunal Təsərrüfatı İstehsalat Birliyindən (MKTİB) verilən məlumata görə, təmizlik aksiyası şəhərin Atabəylər prospektində təşkil olunub. Adıçəkilən ərazi məişət tullantılarından, kol-kosdan, alaq otlarından və toz-torpaqdan təmizlənib. Yığılan tullantıların ərazidən daşınması təmin edilib, mövcud zibil qutuları boşaldılıb, ətrafında səliqə-sahman yaradılıb.
Prospekt boyu mövcud olan avtobus dayanacaqları, işıqforlar, yol nişanları və istiqamət göstərici lövhələr yuyularaq təmizlənib. Ərazidəki yaşıllıq zolağına aqrotexniki qulluq göstərilib, suvarılması təmin edilib.
Təmizlik işlərinə MKTİB-nin Ərazi Xidmət Sahələrinin əməkdaşları və texnikaları cəlb olunub.
