Gəncədə avtomobil yolunda məsuliyyətsizlik faciə ilə nəticələnə bilər.
Gencexeber.az-a daxil olan şikayətə əsasən, Gəncə şəhəri, Yeni Gəncə qəsəbəsində yerləşən Mir Cəlal Paşayev küçəsində yolun hərəkət hissəsində yerləşən iri torpaq topası təhlükə saçır.
Sakinlərin bildirdiyinə görə, torpaq topası uzun müddətdir ki, yoldan götürülməyib və hərəkətdə olan nəqliyyat vasitələri üçün ciddi təhlükə mənbəyinə çevrilib. Ötən gün bu səbəbdən xoşagəlməz hadisə də baş verib. Belə ki, “Toyota Prius” markalı avtomobilin sürücüsü torpaq topası ilə toqquşub.
Qəza nəticəsində xəsarət alan olmayıb. Lakin avtomobilə ziyan dəyib. Yerli sakinlər və sürücülər aidiyyəti qurumlardan ərazidə təhlükə yaradan torpaq topasının təcili şəkildə yoldan götürülməsini tələb edirlər.
