Gəncənin Üzeyir Hacıbəyli küçəsində avtomobillərin hərəkəti çətinləşib.
Gencexeber.az-a şəhər sakini tərəfindən daxil olan şikayətə əsasən, təxminən üç ay əvvəl adıçəkilən küçədə asfalt örtüyü yenilənib. Lakin bir müddət sonra kommunal xətlərin təmiri məqsədilə asfalt örtüyü qazılıb və bərpa işləri aparılmayıb. Nəticədə yolun səthi yararsız vəziyyətə düşüb.
Şəhər sakini redaksiyamıza müraciətində bildirib ki, həmin ərazidən keçən avtomobillər sürətlərini minimuma endirmək məcburiyyətində qalırlar.
Sakinlər məsul qurumlardan vəziyyətin tez bir zamanda aradan qaldırılmasını tələb edirlər.
