Gəncə sakinləri şəhərdə aparılan son asfaltlama işlərindən razı deyillər.
Xəbər verdiyimiz kimi, Gəncənin Aida İmanquliyeva küçəsində (keçmiş Muxtar Hacıyev küçəsi) uzun illərdir gözlənilən asfaltlama işlərinə start verilib. Əraziyə texnika və canlı qüvvə cəlb olunub.
Gencexeber.az məlumat verir ki, uzunluğu təxminən 1 kilometr 200 metr olan küçədə əvvəlcə yolun bərkidilməsi işləri aparılıb, hazırda isə asfalt örtüyünün salınması prosesi həyata keçirilir.
Lakin görülən işlər bütün sakinləri qane etməyib. Şikayətçilərdən biri bildirir ki, ərazidə yalnız nazik asfalt zolağı çəkilir, binaların qarşısı isə əvvəlki kimi toz-torpaq içində qalır.
