Gəncədə yeni asfalt yararsız hala salınıb.
Gencexeber.az-a daxil olan şikayətə əsasən, Gəncə şəhərinin Gülüstan qəsəbəsində, Tofiq Bağırov küçəsində (Üç Qardaş marketinin yaxınlığında) sakinləri narahat edən vəziyyət yaranıb. Belə ki, bir neçə ay öncə çəkilmiş yeni asfalt örtüyü “Azərsu” ASC-nin təmir-tikinti briqadaları tərəfindən müxtəlif yerlərdə qazılaraq yararsız hala salınıb.
Məlumata görə, aparılan qazıntı işlərindən sonra ərazi əvvəlki vəziyyətinə qaytarılmayıb. Artıq bir neçə aydır ki, yol zədələnmiş və çalalarla dolu vəziyyətdə qalır. Nə asfalt yenilənib, nə də müvafiq qurumlar tərəfindən hər hansı bərpa işləri aparılıb.
Sakinlər həm avtomobillərinin zərər gördüyünü, həm də təhlükənin artdığını bildirirlər.
