Gəncə şəhərinin Təbriz küçəsində yeni salınmış asfalt örtüyü zədələnib.
Gencexeber.az-ın məlumatına görə, hadisəyə səbəb tırtıllı texnikanın birbaşa asfalt üzərindən hərəkət etməsi olub. Nəticədə yol örtüyündə ciddi deformasiya yaranıb.
Qeyd edək ki, istər hərbi, istərsə də mülki tırtıllı texnikaların asfalt örtüyü olan şəhər küçələrində daşınması adətən evakuator və ya qoşqulu yük avtomobilləri vasitəsilə həyata keçirilir. Həmçinin zərurət yarandıqda yola çıxarılması zamanı tırtılın altına rezin qatlar döşənir ki, metal hissə asfaltla təmasda olmasın.
