Gəncə şəhərinin Heydər Əliyev prospekti ilə Adil Babayev küçəsinin kəsişməsində sakinlərin narazılığına səbəb olan antisanitariya vəziyyəti aradan qaldırılıb.
Bu barədə Gencexeber.az-a Mənzil Kommunal Təsərrüfatı İstehsalat Birliyinin (MKTİB) mətbuat xidmətindən məlumat verilib. Bildirilib ki, ərazidəki zibil konteynerləri qurumun müvafiq şöbəsi tərəfindən boşaldılıb və tullantılar ərazidən daşınıb.
Eyni zamanda MKTİB əhaliyə müraciət edərək antisanitariya hallarının təkrarlanmaması üçün gündəlik məişət tullantıları konteynerlərin yanına deyil, birbaşa içinə atılmalarına çağırıb. Qurum vətəndaşlardan göstərilən xidmətə görə aylıq ödənişləri vaxtında etməyi də xahiş edib.
Qeyd edək ki, yerli sakinlərin iddiasına görə, yaranmış vəziyyət günlərlə zibil qutularının vaxtında boşaldılmaması nəticəsində baş verib.
