Gəncədə küçəni zibil basıb.
Gencexeber.az-ın məlumatına görə, Gəncə şəhərinin İsmət Qayıbov küçəsində, yerli sakinlərin Totanlı dairəsi adlandırdığı ərazidə artıq bir neçə gündür məişət tullantıları üçün qoyulan konteynerlər təmizlənmir.
Ərazi sözün əsl mənasında zibillə dolub-daşır, pis qoxu yayılır və ümumi sanitar vəziyyət narahatlıq doğurur.
Sakinlərin sözlərinə görə, tullantıların vaxtında daşınmaması həm estetik baxımdan, həm də sağlamlıq baxımından ciddi problemə çevrilib. Məsələni daha da narahatedici edən isə zibilliyin yaxınlığında Gəncə Təcili Tibbi Yardım Stansiyasının yerləşməsidir.
Yaranmış acınacaqlı vəziyyətin aradan qaldırılması üçün aidiyyəti qurumlardan tədbir görülməsi tələb olunur.
