Gəncədə uşaqlar üçün ödənişsiz gitara dərsləri təşkil olunur.
Gencexeber.az xəbər verir ki, iyulun 27-si saat 11:00-da şəhid Müşfiq İsmayılzadə adına hazırlıq evində keçiriləcək tədbir 8 yaşdan yuxarı bütün uşaqlar üçün açıq olacaq.
Tədbir çərçivəsində yeni dərs proqramına qoşulmaq istəyən uşaqlarla yanaşı, ötən ay keçirilən məşğələlərdə iştirak etmiş tələbələrin iştirakı ilə konsert proqramı da təqdim ediləcək.
Layihənin məqsədi istedadlı uşaqların musiqiyə marağını artırmaq və onların asudə vaxtlarını səmərəli təşkil etməkdir. Dərslərdə iştirak tamamilə pulsuzdur.
Tədbirə valideynlərin də qatılmasına icazə verilir. Təşkilatçılar bütün maraqlananları övladları ilə birgə bu musiqi təcrübəsinə qoşulmağa dəvət edirlər.
Dərslərin keçiriləcəyi təhsil mərkəzi Vaqif küçəsi, Dalan 7 ünvanında (5 nömrəli məktəbin qarşısında) yerləşir. Qeydiyyat üçün (+994 55) 229 78 44 nömrəsi ilə əlaqə saxlamaq mümkündür.
