Xəbər verdiyimiz kimi, 20 Yanvar küçəsində iri gövdəli ağacın budağı qırılaraq yaşayış evinin hasarına düşüb. Sakinlərin sözlərinə görə, təxminən bir həftə öncə aidiyyəti üzrə şikayət edilsə də, təhlükəli hal uzun müddət aradan qaldırılmayıb.
Gencexeber.az-a Gəncə Şəhər Mənzil Kommunal Təsərrüfatı İstehsalat Birliyi (MKTİB) tərəfindən verilən məlumata görə, məsələ ilə bağlı sakinlər şəhərin Yaşıllaşdırma İdarəsinə müraciət ediblər.
Əlavə olunub ki, təhlükə mənbəyinə çevrilən ağacın budağı təcili olaraq MKTİB-nin Yaşıllaşdırma şöbəsinin əməkdaşları tərəfindən zərərsizləşdirilib. Ağacın budağı yerində doğranaraq ərazidən daşınması təmin edilib.
