Gəncədə yaşıllıqları anomal istilərdən qorumaq üçün tədbirlər görülür.
Gencexeber.az-a şəhərin Mənzil Kommunal Təsərrüfatı İstehsalat Birliyi tərəfindən verilən məlumata görə, yay mövsümünün isti və quraqlı keçməsi nəzərə alınaraq Gəncədə mövcud yaşıllıqların vaxtı-vaxtında suvarılması nəzarətdə saxlanılır. Bu məqsədlə qurumun su çiləyici maşınları vasitəsilə, həmçinin əksər yerlərdə qurulan müasir damcı və çiləmə üsulu ilə hər gün suvarma işləri həyata keçirilir.
Bildirilib ki, ümumilikdə şəhərin prospektləində, küçələrində, yol kənarlarında, park və istirahət mərkəzlərində, xiyabanlarda mövcud və yeni salınan yaşıllıqlara lazımi aqrotexniki qulluq göstərilir, suvarma işləri gücləndirilmiş qaydada aparılır.
Görülən işlər anomal istilərin ağaclara, kollara, güllərə və qazona vura biləcək təsirləri minumuma endirmək məqsədi daşıyır.
