Xəbər verdiyimiz kimi, Gəncədə hərəkətin sıx olduğu ərazilərdə qaraçılar sürücülər üçün ciddi təhlükə mənbəyinə çevriliblər.
Məsələ ilə bağlı Gencexeber.az-a açıqlama verən DİN-in Mətbuat Xidmətinin Gəncə regional qrupunun baş inspektoru Eşqin Qasımov bildirib ki, Gəncə Şəhər Baş Polis idarəsinin əməkdaşları tərəfindən bu sahədə mütəmadi olaraq tədbirlər həyata keçirilir.
Qurum rəsmisi qeyd edib ki, sözügedən görüntülərlə bağlı da araşdırma aparılıb, şəhər ərazisində avara və dilənçiliklə məşğul olan 23-dən çox şəxs müəyyən edilərək ərazi üzrə polis şöbəsinə gətirilib:
“Şöbədə şəxslərlə profilaktiki söhbətlər aparılmış, barələrində inzibatı tədbir görüldükdən sonra qeydiyyatda olduqları şəhər və rayonlara göndəriliblər”.
10:48
Gəncədə hərəkətin sıx olduğu ərazilərdə qaraçılar sürücülər üçün ciddi təhlükə mənbəyinə çevriliblər.
Gencexeber.az-ın məlumatına görə, onlar nəqliyyatın intensiv hərəkət etdiyi prospekt və küçələrdə, xüsusilə işıqforlu yolayrıclarında avtomobillərə yaxınlaşaraq sürücüləri narahat edirlər. Qaraçılar bəzən yolun hərəkət hissəsinə daxil olaraq həm öz həyatlarını, həm də digər iştirakçıların təhlükəsizliyini riskə atırlar.
Təqdim etdiyimiz kadrlar Gəncənin Tağı Arani küçəsində, “İmperial” şadlıq sarayının qarşısında lentə alınıb. Görüntülərdən açıq şəkildə görünür ki, qaraçılar yolun ortasında dayanaraq nəqliyyat vasitələrinə yaxınlaşırlar. Sakinlərin sözlərinə görə, bu hallar nəqliyyatın hərəkətində ləngimələrə səbəb olur və qəza riski yaradır.
Vətəndaşlar aidiyyəti qurumlardan məsələ ilə bağlı ciddi tədbirlər görülməsini tələb edirlər.
