Gəncənin Məmməd Xələfov küçəsində, Abbas Səhhət adına 1 saylı xəstəxananın qarşısında sürücülər ciddi problemlə üzləşirlər.
Gencexeber.az-a daxil olan şikayətə əsasən, ərazidə avtomobil yolunun hərəkət hissələrini ayıran qoşa xətt mövcuddur. Lakin xəstəxananın qarşısındakı qanunsuz parklanma səbəbilə yol daralır. Bu vəziyyətdə sürücülər hərəkəti davam etdirmək üçün məcburən qoşa xətti tapdalayaraq əks istiqamətə çıxırlar.
Nəticədə sürücülər qeyri-ixtiyari yol hərəkəti qaydalarını pozduqlarına görə cərimələnirlər. Onların sözlərinə görə, əsas problem qoşa xəttin mövcudluğu yox, məhz qanunsuz parklanmadır.
Sakinlər və sürücülər aidiyyəti qurumlardan bu məsələ ilə bağlı təcili tədbir görülməsini, qanunsuz parklanmanın avtomobillərin normal hərəkətinə yaratdığı əngəllərin aradan qaldırılmasını tələb edirlər.
