Gəncədə park zonasında geniş təmizlik işləri görülüb.
Gencexeber.az-a Gəncə şəhər Mənzil Kommunal Təsərrüfatı İstehsalat Birliyindən (MKTİB) verilən məlumata görə, qurum tərəfindən şəhərin Məmməd Bürcəliyev küçəsində yerləşən istirahət parkında və onu əhatə edən küçələrdə təmizlik işləri görülüb.
MKTİB-nin canlı qüvvə və texnikaları tərəfindən sözügedən ərazilər məişət tullantılarından, alaq otlarından, saralmış kollardan və toz-torpaqdan təmizlənib. Tullantılar bir yerə yığılaraq ərazidən daşınması təmin edilib. Ərazidə zibil konteynerləri boşaldılıb, ətrafı təmizlənib.
Bundan başqa, qurum səliqə-sahmanın qorunub saxlanılması ilə bağlı parkın yaxınlığında yaşayan sakinlərə müraciət edib: “Bir daha xahiş edirik ki, məişət və digər tullantılar istirahət məkanın ərazisinə və ya çayın məcrasına deyil, ərazidə müəyyən edilmiş zibil konteynerlərinə atılsın”.
