Gəncə şəhərində uşaqlar və maraqlanan hər kəs üçün rəngarəng yaradıcılıq təlimi təşkil olunacaq.
Gencexeber.az məlumat verir ki, təlim mayın 16-da saat 14:00-da "Tağıyev Mall" ticarət mərkəzinin 2-ci mərtəbəsində baş tutacaq. Tədbir zamanı iştirakçılar daş üzərində rəsmlər çəkəcək və incəsənət bacarıqlarını inkişaf etdirmək imkanı qazanacaqlar.
İştirakçılar daşları özləri ilə gətirməlidirlər. Onların kiçik ölçülü olması daha məqsədəuyğun hesab olunur.
Ümumilikdə 15 nəfər üçün yer nəzərdə tutulub. Lakin istəyənlərin sayı çox olduqda mayın 16-sı saat 12:00-da əlavə qrup yaradılacaq.
Çəkilən rəsmlər təlimin sonunda xatirə olaraq iştirakçıların özlərinə veriləcək. 6 yaşdan yuxarı bütün yaş qruplarından olan şəxslərin iştirakına icazə verilir.
