Gəncədə ödənişsiz gitar dərsləri keçiriləcək.
Gencexeber.az-ın məlumatına görə, iyunun 22-si saat 11:00-da şəhid Müşfiq İsmayılzadə adına hazırlıq evində baş tutacaq tədbir 8 yaşdan yuxarı bütün uşaqlar üçün açıqdır.
Tədris proqramı istedadlı uşaqların musiqiyə marağını artırmaq, asudə vaxtlarını səmərəli keçirmələrini təmin etmək məqsədi daşıyır. Dərslərdə iştirak tamamilə pulsuzdur.
Tədbirə valideynlər də qatıla bilər. Təşkilatçılar hər kəsi övladları ilə birgə bu faydalı musiqi təcrübəsinə qoşulmağa dəvət edirlər.
Təhsil mərkəzi şəhərin Vaqif küçəsi, Dalan 7 (5 nömrəli məktəbin qarşısı) ünvanında yerləşir.
Qeydiyyatdan keçmək istəyən şəxslər (+994 55) 705 78 44 mobil telefon nömrəsi ilə əlaqə saxlaya bilərlər.
