Gəncənin müxtəlif ərazilərində iməcilik baş tutub.
Gencexeber.az-a Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyindən (MKTİB) verilən məlumata görə, qurum tərəfindən şəhərin Atabəylər prospektində, Zülfü Hacıyev və Səbuhi İsmayılov küçəsində, həmçinin "Sovxoz Nizami" adlanan dairə ətrafında və "Azbarit" qəsəbəsi yolunda təmizlik işləri görülüb.
Təmizlik aksiyasına MKTİB-nin Ərazi Xidmət Sahələrinin əməkdaşları və qurumun texnikaları cəlb olunub. Adıçəkilən ərazilər məişət tullantılarından, alaq, qurumuş otlardan, eləcə də daş, qum və toz-torpaqdan təmizlənib. Yığılan tullantılar bir yerə toplanaraq ərazidən daşınması təmin edilib. Sözügedən ünvanlarda mövcud olan zibil qutuları boşaldılıb, ətrafı isə təmizlənərək səliqəli şəklə salınıb.
Qurumdan bildirilib ki, Mənzil Kommunal Təsərrüfatı İstehsalat Birliyi tərəfindən aparılan bu kimi təmizlik aksiyaları mütəmadi olaraq şəhərin müxtəlif ərazilərində davam etdirilir.
