Gəncədə yol-nəqliyyat hadisəsi baş verib
Gencexeber.az-ın məlumatına əsasən, Gəncə şəhərinin Gülüstan qəsəbəsində “VAZ-2107” markalı avtomobilin digər maşınla toqquşması nəticəsində dörd nəfər müxtəlif dərəcəli bədən xəsarətləri alıb.
Qəza nəticəsində Şəmkir rayon sakinləri – 1991-ci il təvəllüdlü Zəkiyə Heydərova, 1967-ci il təvəllüdlü Rəna Əhmədova, 1969-cu il təvəllüdlü Məlahət Eyyubova və 1985-ci il təvəllüdlü Vasif Məmmədov müxtəlif dərəcəli bədən xəsarətləri alıblar. Hər üç şəxs Gəncədəki xəstəxanalardan birinə yerləşdirilib. Vəziyyətləri kafidir.
Qeyd edək ki, qəzaya düşən şəxslər Şəmkirdə məktəb müəllimi işləyirlər.
Hazırda qəzanın səbəbləri araşdırılır.
