Gəncədə illərdir problemə çevrilmiş su borusu növbəti dəfə partlayıb.
Gencexeber.az-ın məlumatına görə, hadisə 28 May küçəsində baş verib. Borunun təmir edilməsi məqsədi ilə ərazidə yeni salınmış asfalt örtüyü yenidən qazılıb.
Bu hal sürücülərin ciddi narazılığına səbəb olub. Bildirilir ki, yaxın keçmişdə burada su-kanalizasiya sistemlərinin yenilənməsi işləri aparılıb. Lakin bütün təmir və yenidənqurma işlərinə baxmayaraq, boru xəttində problem bir daha yaşanıb.
Sakinlər tezliklə köklü tədbirlərin görülməsini tələb edirlər.
