Gəncədə bir neçə küçədə asfalt örtüyünün olmaması sakinlərin narazılığına səbəb olub.
Gencexeber.az-a daxil olan şikayətə əsasən, Şah İsmayıl Xətai prospektində (47 nömrəli binanın qarşısı) asfalt örtüyü tamamilə sıradan çıxıb. Sakinlərin sözlərinə görə, yağıntılı havalarda ərazinin hər yeri bataqlığa çevrilir, yay aylarında isə toz səbəbindən pəncərə açmaq mümkün olmur.
Oxşar vəziyyət şəhərin Aida İmanquliyeva (köhnə Muxtar Hacıyev) küçəsində də müşahidə olunur. Burada Səməd Vurğun küçəsindən başlayaraq Şəddadilər küçəsinin kəsişməsinə qədər yol örtüyü bərbad vəziyyətdədir.
Sakinlər aidiyyəti qurumlardan asfalt örtüyünün təcili bərpasını tələb edirlər.
