Sadıllı qəsəbəsində partlayan su borusu ərazidə palçıq selinə səbəb olub.
Gencexeber.az-ın məlumatına görə, Gəncə şəhərinin Sadıllı qəsəbəsində yerləşən DOS-102 küçəsində su borusunun partlaması nəticəsində ciddi problem yaranıb.
İçməli su borusundakı qəza səbəbindən ərazini günlərlə su basır. Küçədə asfalt örtüyünün olmaması vəziyyəti daha da ağırlaşdırıb. Suyun torpaqla qarışması nəticəsində palçıq yaranıb və bu, sakinlərin gündəlik hərəkətini çətinləşdirib.
Yerli sakinlərin sözlərinə görə, problem bir neçə gündür davam edir və aidiyyəti qurumlara məlumat verilsə də, indiyə qədər heç bir tədbir görülməyib. Nəticədə borudan axan su yolu bərbad hala salıb.
Sakinlər problemin tezliklə aradan qaldırılmasını və əraziyə asfalt örtüyü çəkilməsini tələb edirlər.
