Gəncə şəhərində İ.Nəsimi adına 44 nömrəli məktəb-lisey kompleksinin yaxınlığında ciddi kanalizasiya problemi yaranıb.
Gencexeber.az-a daxil olan çoxsaylı şikayətlərə əsasən, bir ay əvvəl ərazidə kanalizasiya xətti partlayıb. Bu müddət ərzində yayılan üfunət ətrafda yaşayan sakinlərin həyatını çətinləşdirib. Onların sözlərinə görə, gecələr mənzillərə dolan qoxu dözülməz həddə çatıb, sakinlər isti havada qapı və pəncərələri aça bilmədiklərini bildirirlər.
Qonşular dəfələrlə aidiyyəti qurumlara müraciət etsələr də, problemin aradan qaldırılması istiqamətində hələlik heç bir addım atılmayıb. Sakinlərin fikrincə, bu vəziyyət artıq ciddi sanitariya təhlükəsi yaradaraq, xəstəlik mənbəyinə çevrilib.
