Gəncə sakinləri şəhərin Tağı Arani və Şah İsmayıl Xətai prospektlərinin kəsişməsində yerləşən işıqforun qeyri-mütənasib işləməsindən narazılıq edirlər.
Gencexeber.az-a daxil olan şikayətə əsasən, “İmperial” şadlıq sarayının qarşısından keçən avtomobillərə cəmi 20 saniyəlik yaşıl işıq verilir. Bu isə intensiv hərəkətin müşahidə olunduğu ərazidə süni tıxacların yaranmasına səbəb olur.
Sürücü bildirir ki, işıqforun tənzimləməsi ilə digər istiqamətdə hərəkət edən nəqliyyat vasitələrinə 40 saniyə vaxt verilib. Buna görə, balanssızlıq yaranır və bu vəziyyət xüsusilə pik saatlarda problemlər yaradır.
Sakinlər aidiyyəti qurumlardan işıqforun intervalının düzgün tənzimlənməsini və nəqliyyat axınının daha səmərəli şəkildə idarə olunmasını tələb edirlər.
